لوعة الغياب/بقلم : فواغي القاسمي

نار(ن) تحرّقْ مهجتي
من هو يقدّرْ لوعتي
لي غاب طيفه ينهمرْ
دمعي يغرق و جنتي
و لي من حضر خلي, اختفى
حرفي و خارت قوتي
يغرق خفوقي برفته
و تغيب عني صحوتي
بان الوله  من نظرته
و الشوق صوع مهجتي
يالصيف لك وحشة لقا 
تطفي حنيني و لهفتي
سمّار ليل ٍ و الهوى
لوّن سمايَ و دنيتي 
و اللي طواه برد الشتا
و لوّع هنايَ و منيتي
جا الصيف و الحلم ابتسم
قوّم  خطاي و عثرتي
من قال في جوه لظى 
هذي حرارة فرحتي